Kumpulan Isi/Batang Tubuah Pidato Pasambahan Adaik

1.   Pidato Pasambahan Janang (Alek Jamuan)

Sipangka   :   Maa Angku…, sambah dipulangkan bakek Angku.

Alek           :   Kapado Allah.

Sipangka   :   Sungguahpun Angku surang nan disabuik namo dipanggiakan gala – rapeklah ka sagalo sidang mujilih nan ado - nan tahampa di ateh lantai – nan tasungkuik di bawah atok, nan balirik salingka dindiang, ketek indak ka disabuikkan namo – gadang indak ka dipanggiakan gala. Namun, tembak nak baalamaik, iyo ka bakek Angkulah Ambo mamulangkan sambah.

Kumpulan Kato Panutuik Pidato Pasambahan

Contoh Kato Panutuik 1 (Pidato Luhak)

Alek           :   Kutiko sumua ka digali – rantiang ka dipatah – nagari ka dihuni – iyo di Pariangan Padang Panjang. Disinan lah duduak Datuak Katumanggungan jo datuak Parpatih Nan Sabatang, mambuek koto jo taratak – sarato luhak nan jo lareh, luhak tigo lareh duo; partamo lareh Koto Piliang – kaduo lareh Bodhi Caniago. Adopun lareh Koto Piliang – kabasaran Datuak Katumanggungan – inyo barasa dari rajo. Lareh Bodi Caniago – kabasaran Datuak Parpatih Nan Sabatang – inyo barasa dari puti – nan samande sabapak indak.

Kumpulan Kato Pambukak Pidato Pasambahan

1.   Contoh Kato Pambukak 1

Sipangka   :   Maa Angku/ Datuak......

Alek           :   Manitahlah Angku/ Datuak.........

Sipangka   :   Sambah dipulangkan pado Angku/ Datuak......

Sipangka   :   Kapado Allah

Sipangka   :   Sikaduduak di ateh parik – sarumpun jo bilang-bilang, manolah sagalo Angku-Angku nan duduak balirik – indak ka Ambo atok, indak ka Ambo bilang.

Stuktur Bangun Pidato Pasambahan Adaik Minang Kabau

Jikok kito sigi bana jalannyo sabuah pidato pasambahan adaik dari awa sampai akhia. Mako, sacaro struktur genetik kecek rang kini, susun bangun pidato pasambahan nantun bisa disusun manjadi tigo (3). Nan partamo, kato pambukak, yoitu bagian pambukak-an nan barisi “tigo limbago nan tajali”, nan kaduo batang tubuah, yoitu isi rundiangan, nan katigo, kato panutui, iolah barisi etika kutiko ka pulang.

Pidato Rumah Gadang

Tantangan rumah nan Gadang, rumah gadang si tinjau lauik, banamo sambilan ruang. Salanja kudo balari, sakuaik kualang tabang, sapakiak bundo ma imbau. Sapuluah jo padapuran, sabaleh jo anjuang tinggi, tukang nan sangaik biopari. Warih nyo tukang siak ole, pandai manarah manilantang, manyangko dibulan kalam, marapek sambia balari. Putuih nan indak buang kayu, rumah sudah tukang dibunuah, tak buliah ditiru lai. Nan tingga jadi pandapatan, sampai kini bapakai juo, tak ado kayu nan tabuang. Saheto ka camin-camin, nan taba ka ampang singka, nan bungkuak ka tali bajak. Sajangka ka pasak baliang baliang, satampok ka papan tuai, sajari ka mato sikek. Panarahan ka unggun unggun, pangataman ka untuak pupuak.

Pidato Pasambahan Takziah II

Di dalam lingkuangan karajo ataupun lingkuangan rantau, tantunyo acara takziah dilelokan jo caro nan indak samo jo di kampuang-kampuang. Biasonyo, hanyo ado samacam sapatah kato dari ahli warih jo siding takziah. Karano itu, barikuik, ambo cubo mangatangah sabuah contoh sapatah kato dari ahli warih jo sidang takziah.

Ahli Warih

PIDATO PASAMBAHAN ADAIK

A.   KATO DAHULU

Pidato Pasambahan Adaik adolah ciek dari sakian banyak tradisi lisan Minangkabau nan hinggo kini masih mandapek tampek di hati masyarakaik. Hal iko bisa disaksikan di satiok acara nan dilewakan dek limbago adaik nan ado. Mulai dari acara tahlilan takziah, acara alek jamuan, acara pakawinan, acara batagak gala, acara Maulid Nabi Muhammad SAW, sarato lain-lainnyo. Namun, sungguahpun sarupo itu, palaksanaan pidato pasambahan adaik ko masih acok mandapek tanggapan sumbang dari babarapo kalompok masyarakaik.

Tanggapan sumbang nantun umumnya didasari dek opini nan tabantuak baraso pidato pasambahan adaik acok mampasulik atau mambuek alua acara jadi taganggu. Jikok disigi bana, mungkin masalah ko labiah cocok disabuik sabagai ulah oknum. Dalam hal iko, tukang pidato pasambahan nan kadang indak arih mambaco situasi jo kondisi acara. Ditambah pulo, randahnyo pangatahuan masyarakaik tantangan hakikaik pidato pasambahan adaik, mambuek parilaku oknum tasabuik dalam malalukan pasambahan saolah-olah manjadi alua dari pidato pasambahan adaik nan harus dituruik.

Pidato Pasambahan Manjalang Pulang (Adu Balam)

Tumpuan Kato (Juru Baso Pihak Tamu/Ujuang)

Angku......, tantangan kami nan sagalo alek, kalau diumpamokan ka buruang banyak; pueh malayang jo malayok hinggok di padang ribu-ribu, hawuih maminum aia ambun litak mamakan buah rumpuik. Jikok litak rasolah kanyang, hawuihpun rasolah pueh. Nak tabang kutiko bak kini manuju pinang nan sabatang, pulang kaasa mulo jadi. Samintaro kaki lai basitumpu, sabalum kapak kadikirai, izin dimintak bakek Angku mah. Sakian Angku.

Juru Baso (Sipangka)

Mandanga pituah Angku tantangan alek nan ka pai; baguncang rumah nan gadang, bagarak tiang ka tujuahnyo. Apo sabab mangko baitu, sabab pintu lah kami santuang arek, janjangpun lah kami ansak jauh. Kamano Angku ka lalu?

Tumpuan Kato (Juru Baso Pihak Tamu/Ujuang)

Pidato Pasambahan Pakaian Bundo kanduang

Takanak tingkuluak di kapalo Bantuak lahia bayangan isi Panjang ndak dapek kito ukua	Bacincin saukuran jari Tumpuan subang ka talingo Tumpuan canggai ka kalingkiang
Leba ndak dapek kito bidai Tiok lipek aka manjala Tiok katuak aka marangkak	alui patuik sinan bahimpun Latakan suatu di tampeknyo Dimakan alua jo patuik
Gonjong ateh baliak batimba Lambing naraco bayangan adaik Adaik nan basandi syarak	Di dalam cupak jo gantang Mahawai jan sapanjang tangan Unjuak baagak bahinggoan
Syarak nan basandi kitabullah Walau kabek buliah dibukak Namun buhua ndak buliah tangga	Kalau malabiahi ancak-ancak Jikok mangurangi sio-sio
Ujuangnyo duo bajumbai Sajumbai di muko kaniang Jadi sumandan dalam kampuang	Bakodek kain balambak Baukia bamego-mego Ukia basalo pucuak rabuang
Sajumbai jatuah ka balakang Panampin niniek jo mamak	Kaluak paku galuang-galuangan Aka cino jangkau-jangkauan Saik ajik mamacah ragi
Salilik lingkaran kaniang Ikek santuang di kapalo Tampuak dek paham tiok lipek	Dibawah itik pulang patang Baslo jo bada mudiak Di tangah bungo kiambang
Lebanyo pandindiang kampuang Panjang pandukuang anak kaminakan Hamparan rumah nan gadang	Dalamnyo di ateh tumik Patuik dalam ndak buliah senteang Kok senteang ndak buliah dalam Mungkin jo patuik ka ukuran
Paraok gonjong nan ampek Bakeh bataduah kahujanan Bakeh balinduang kapanasan	Lakeknyo impik ka kida Tandonyo luruih batujuan Suduik serong manikam jajak
Iyo dek anak katurunan Nan sapayuang sapatagak Di bawah payuang lingkuangan cupak Manjala masuak nagari	Langkah bak cando bapatingkek Alam satapak bakeh diam Mamakai raso jo pareso
Kapa-i tampek batanyo Kapulang tampek babarito Kusuik nan kamanyalasai	Raso nan dibaok naiak Pareso nan dibaok turun Alua patuik jalan ditampuah
Karuah nan kamanjaniahi Hukum adia katonyo bana Sapakaik warih mandiri-an	Bajalan si ganjua lalai Pado pai suruik nan labiah Samuik tapijak indak mati
Tagangnyo bajelo-jelo Kanduanyo badantiang-dantiang Hati lapang paham saleso Pasiah lidah pandai barundiang	Alu tataruang patah tigo Tibo di lasung ramuak rampak
Guyahnyo bapantang tangga Kokohnyo murah diungkai Kalaunyo budi lah tajua Cadiak ndak guno ka dipakai	Baukia bapucuak rabuang Basuji jo banang ameh Baturap jo banang makau
Babaju kuruang gadang langan Pahapuih miang dalam kampuang Pangipeh angek nak nyo dingin	Pucuak paku galuang-galuangan Aka cino jangkau jangkauan Kapalilik anak kamanakan
Siba batanti timba baliak Batabua perak baukia Baturap jo banang ameh	Pangabek sako jo pusako Nak kokoh lua jo dalam Kabek sabalik buhua sentak
Basuji jo banang makau Panutuik jahik pangka langan Tando mambuhua ndak mambuku Mauleh ndak mangasan	Rapek nagari nak maungkai Tibo nan punyo tangga sajo
Langan balilik suok kida Basisiak makau kaamasan Gadang basalo jo nan ketek	Takanak taropa kulik kalaf Kapananai sako jo pusako Kapanuruik labuah nan luruih
Tandonyo bundo bapangiriang Tagak baapuang jo aturan Baukua jangko jo jangkau	Panampuah jalan nan pasa Baiak ka dalam korong kampuang Sampai ka koto jo nagari
Unjuak baagak bainggok-an Lihianyo lapeh ndak bakatuak Babalah sahinggo dado	Bajalan baaleh tapak Malenggang babuah tangan
Bundo kanduang alamnyo leba Bundo kanduang padangnyo lapang Ndak karuah aia dek ikan	Malangkah jan salelo kaki Maagak kuku jan tataruang Ingek sabalun kanai
Ndak rusak gunuang dek kabuik Pahik manih pandai malulua	Kulimek sabalun habih Maminteh sabalun hanyuik Malantai sabalun lapuak
Takanak lukuah di lihia Lukuah pinyaram bungo inai Bagalang salingkaran tangan	Gantang tatagak jo lanjuangnyo Sumpik tatagak jo isinyo Adaik tatagak jo limbago
Alum bakilek lah bakalam Bulan disangko tigo puluah Alum diliek lah tapaham Lah tantu tampek bakeh tumbuah	Adaik nan batalago buek Cupak nan tarang samato Taga dek sipaik nan badiri
Salempang suto bajumbaian Panjangnyo tangah tigo kaco Bajumbai perak baukia	Sumber: Mak Katik

Pidato Pasambahan Pakaian Pangulu

Takanak saluak palangai                                  Bayangan isi dalam kulik                                 Panjang ndak dapek kito ukua	Nan sipaik baliau cadiak pandai Pandai batenggang di nan rumik Bapantang langkah ka talanjua
Leba ndak dapek kito bidai Tiok karuik aka manjala Tio katuak budi marangkak	Jadi pangulu kok lai pandai Pandai bacupak di nan data Indak namuah bakisa tagak
Dalam lilik baundang-undang Salilik lingkaran kaniang Ikek santuang di kapalo	Kalaunyo langkah nan lah sumbang Tandonyo paham lah bapaliang Dunia akiraik kabinaso
Tampuak dek paham tiok lipek Lebanyo pandindiang kampuang Panjang pandukuang anak kamanakan	Suko pangasiah ka nan ketek Batu ketek acok manaruang Ukualah langkah ka bajalan
Hamparan rumah nan gadang Paraok gonjong nan ampek Payuang panji marawa basa	Kok tumbuah bana basilang Kok datang sudi jo siasek Indak bakisa di nan bana
Tampek bataduah kahujanan Tampek balinduang kapanasan Iyo dek anak kamanakan	Tibo di mato indak bapicingkan Tibo di paruik indak bakampihkan Nan bana samo ditagakan
Nan sapayuang sapatagak Di bawah payuang di lingkuang cupak Manjala masuak nagari	Tapijak di baro hitam tapak Tapijak di darah sirah tapak Warih nan samo dironggohi
Ka pai tampek batanyo Ka pulang bakeh babarito Kusuik nan kamanyalasai	Walau baa cobaan tibo Baiman taguah di dado Bapantang kusuik ndak salasai
Karuah nan kamanjaniahi Hukum adie katonyo bana Sapakek warih mandirian	Nak aman koto jo nagari Lahie jo batin jan batuka Indak manampuah rusuak jalan
Babaju hitam gadang langan Langan tasenseang ndak pambangih Pahapuih miang dalam kampuang	Kalau mambimbiang kamanakan Mamahek jan di lua garih Nak jan bacacek dalam kampuang
Pangipeh angek nak nyo dingin Siba batanti baliak balah Baturap jo banang makau	Indak bakucak lahia batin Kok tasuo gadang baralah Ukua jo jangko ndak talampau
Basuji jo banang ameh Panutuik jahik pangka langan Tando mambuhua ndak mambuku	Pangulu kok lai tangkeh Tantu santoso kamanakan Nagari nan indak dapek malu
Langan balilik suok kida Basisiak makau kaamasan Gadang basalo jo nan ketek	Pangulu paham kok caia Uleh jo buhua kok mangasan Bak kayu lungga pangabek
Tando rang gadang bapangiriang Tagak baapuang jo aturan Baukua jangko jo jangkau	Tagak pangulu kok bapaliang Unjuak kok indak barbarian Pantangan adaik Minangkabau
Unjuak baagak bahinggoan Lihienyo lapeh ndak bakatuak Babalah sahinggo dado	Indak namuah bapangku tangan Walau kurang dapek ditukuak Taserak dikampuangannyo
Rang gadang alamnyo leba Rang cadiek padangnyo lapang Indak karuah aie dek ikan	Indak bakisa din an bana Walau baa cobaan datang Bapantang goyah sandi iman
Indak rusak gunuang dek kabuik Paik manih pandai malulua	Jan takuik maelo suruik Kalaunyo langkah lah talanjua
Tagangnyo bajelo-jelo Kanduanyo badantiang-dantiang	Hati lapang paham saleso Pasieh lidah pandai barundiang
Sarawa hitam gadang kaki Kapanuruik labuah nan luruih Pananpuah jalan nan pasa	Nan sipaik pangulu di nagari Malu kok indak katahapuih Tandonyo budi lah tajua
Ka dalam korong jo kampuang Sampai ka koto jo nagari Langkah salangkah baliak suruik	Tagak pangulu kok nyo tangguang Tando bamain aka budi Bak gunuang talampok kabuki
Pado pai suruik nan labieh Langkah salasai baukuran Maagak kuku jan tataruang	Pakailah paham tulak raiah Simpai nan taguah diganggaman Itu pituah bundo kanduang
Mangkok sarawa kain hitam Paham hakikaik tahan tapo Manahan sudi jo siasaik	Buruak baiak pandai mangganggam Baiman taguah di dado Coriang barih dapak diliek
Mananti bandiang kok tibo Kukuah bapantang kalihatan	Tandonyo kapa banankodo Mangkonyo turun ka lautan
Walau sagadang bijo bayam Jadi pantangan salamonyo	Saciok bak anak ayam Ka jadi paham salamonyo
Basisampiang sahinggo lutuik Kayo jo miskin alamaiknyo Patuik dalam ndak bulieh senteang	Malu kok indak ka tatutuik Ka runtuah adaik jo pusako Lah hilang ereang jo gendeang
Kok senteang ndak bulieh dalam Mungkin jo patuik ka ukuran Lakeknyo impik ka kida	Cadiak pandai ko ndak bapaham Budi kok nyampang kalihatan Jadi sampik alam nan leba
Satantang jo ampu kaki Tandonyo luruih batujuan Suduik serong manikam jajak	Tandonyo kito lai babudi Kok tumbuah silang jo bantahan Pandai manimbang jo manggamak
Langkah bak cando bapatingkek Alam satapak bakeh diam	Kok lah lungga pangabek Kamanakan ka andam karam
Alum bakilek alah takalam Bulan disangko tigo puluah	Alum diliek lah tapaham Lah tantu tampek bakeh tumbuah
Caweknyo suto bajumbaian Jumbai nan tangah tigo tampok Kapalilik anak kamanakan	Walau bak mano pasakitan Nan buruak samo bapaelok Taserak namuah mangampungan
Kapangabek sako jo sangsako Nak kokoh lua jo dalam Guyahnyo bapantang tangga	Paham guyah iman ndak ado Ibaraik bajalan din an kalam Tandonyo budi lah tajua
Kokohnyo murah diungkai Kabek sabalik babuhua sentak	Jadi pangulu kok ndak pandai Dalam aia jajakla nampak
Rapek nagari nak maungkai Tibo nan punyo tangga sajo Rasio buhua dek pangulu	Nan bak katidiang rarak bingkai Tangga ciek larak sadonyo Pantangan bana nan baitu
Tasisik karih di pinggang Sisiknyo tanaman tabu Lataknyo condong ka kida	Kalau lah tagak mangupalang Runuiklah kato nan dahulu Muluik jo kato jan batuka
Dikesoang mangko dicabuik Gambonyo tumpuan puntiang Tunangan hulu kayu kamaik	Jan takuik maelo suruik Dalam bulek usah basandiang Bogo ka mati dalam niaiak
Kokohnyo indak dek ambalau Guyahnyo bapantang tangga Tagoknyo murah dicabuik	Kalau nan adaik Minangkabau Asah bacupak din an data Malu ka samo kito japuik
Bengkok nan tangah tigo patah Luruihnyo manahan tiliak Bantuak dimakan siku-siku	Nyampang ratak mambaok pacah Batin tasimpan jan tabatiak Runuiklah paham jo ilimu
Raso nan dibao naiek Pareso nan dibao turun Alua patuik jalan batampuah	Batin tasimpan kok tabatiak Alua patuik sinan bahimpun Pasak kungkuang paham nan taguah
Bamato baliak batimpa Sanyawa pulo jo gambonyo Tajam nan indak mangalupang	Kalau baransak din an bana Suok kida badai manimpo Tandonyo langkah nan lah sumbang
Kok tajam indak maluko-i Jajak ditikam kanai juo	Nan salah samo kito ubahi Pulangnyo ka balabeh juo
Alah bakarih samparono Pakirim rajo majaopahik	Tuah basabab bakarano Pandai batenggang di nan rumik
Takanak tarompa kulik kalaf Kapananai sangsako nak nyo tagok Sako nak tatap jo enggeran	Bogo manusia basipaiak kilaf Nan buruak samo dipaelok Usah mangguntiang di lipatan
Kapanuruik labuah nan golong Panampuah jalan nan pasa Sampai ka koto jo nagari	Walau di dunia tolong-manolong Usah baransak din nan bana Pado tacemo di nagari
Manuruik anak kamanakan Mancaliek parik nan tahampa Adokoh rando dapek malu	Nyampang tatampuah di nan bukan Tandonyo budi lah tajua Babaliak ka kato nan dahulu
Kok jauh ka mancaliek-caliek Jikok ampiang manyilau-nyilau Jikok malam danga-danga-an	Kok lai mancinto di nan baik Indak baniaik nak mangacau Samo mancari rido tuhan
Bajalan baaleh tapak Malenggang babuah tangan Manurik adaik jo limbago	Bogo kama lah ka diansak Kato nan bana jadi padoman Baitu adaik nan biaso
Tungkeknyo dari kayu kamaik Ujuang tanduak kapalo perak Kapanupang adaik jo syarak	Walau ka mati dalam niaik Indak namuah bakisa tagak Itu pakaian niniek mamak
Kapanahan sako nak jan rabah Panueh pusako nak jan lipua Sako nak tatap jo enggeran	Jikok tapijak din an salah Tandonyo langkah lah talanjua Bak rumah bgadang katirihan
Ingek samantaro balum kanai Kulimek sabalum habih	Walau tatungkuik tagulampai Nan miang samo dikikih
Malantai sabalum lapuak Maminteh sabalum hanyuik	Kok nyampang bakisa duduak Kato nan bana ka disabuik
Gantang tatagak jo lanjuangnyo Sumpik tatagak jo isinyo Adaik tatagak jo limbago	Kok nyampang paham basngketo Nak jan tumbuah cacek jo binaso Carilah ujuang jo pangkanyo
Adaik nan batalago buek Cupak nan tarang samato Taga di sipaik nan badiri	Warih nan samo kito jawek Pusako samo kito tarimo Baitu adaik nan usali