Ranjau Rantau

Nak kanduang sibiran tulang
Jantuang hati limpo bakuruang
Ubek jariah palarai damam

Sitawa tapo di kapalo
Sidingin sajuak di kiro-kiro
Qurrata a'yun dalam agamo


Nak....

Dek bukik indak la-i barangin
Dek lurah indak la-i babatu
Dek sawah indak la-i baranji

Dek ladang ndak babintalak
Dek banda ndak babuatan
Sawah sabuah jo pamatang
Dek lai...

Namun, hiduik indak tantangan "dek lai", Nak
Tantangan iyo jo indak
Usah Waang bakisa tagak

Marantaulah, usah malakok
Gadang Ang sabingkah tanah
Bukan panji marawa basa....